ننتظر تسجيلك هـنـا

 

 

         :: سمارت تقنية المعلومات ( الكاتب : خااشعة )       :: شركة تقنية المعلومات الذكية ( الكاتب : خااشعة )       :: افضل قناة على اليوتيوب ( الكاتب : خااشعة )       :: Paprika بابريكا ( الكاتب : خااشعة )       :: تجارة الذهب ( الكاتب : سارة يوسف )       :: ماهو فضل الأذكار !! ( الكاتب : احمدالله )       :: سحوبات على جوائز عديدة.. ( الكاتب : خااشعة )       :: حساب العمر بالهجري والميلادي ( الكاتب : زهرة الليلاك )       :: ارينسن ( الكاتب : سارة يوسف )       :: سوق الفوركس ( الكاتب : سارة يوسف )      

 


{ (إعْلَاَنَاتُ سَحَرْني غَلَاك الْيَوْمِيَّةَ   ) ~
     
     
   


...{ ::: فعاليات سَحَرْني غَلَاك الْيَوْمِيَّةَ :::..}~

  

  

  

  

  

  



إضافة رد
قديم 03-12-2019, 12:33 AM   #1

Senior Member

العضوٌﯦﮬﮧ » 6
 التسِجيلٌ » Mar 2019
مشَارَڪاتْي » 171
افتراضي اهمية التربية والتعليم بالقدوة









السلام عليكم ورحمة الله
اهلا باعضاء وزوار سحرنى غلاك الكرام


التربية والتعليم بالقدوة
من اول مابتديت افهم واحاول اتعلم تربية وانا بسمع دايما ان لازم اكون قدوة لابنى انا وابوه فى كل تصرفاتنا حتى من وهو صغير وبيرضع
اد ايه الموضوع ده عمل عليا ضغط وعبء نفسي كبير جدا (ولسه عامل الحقيقة)�� ان لازم اغير كتير من تصرفاتى وعادتى اليومية علشان خاطر بس املا عين المفعوص الصغير اللى لسه مطلعش من البيضة واكون قدوة ليه...
بداية من كونى طول عمري من الكائنات الليلة اللى ليلها نهارها ونهارها ليلها لحد العادات الغذائية فحبي للسكريات والحلويات المصنعة اكتر من عنيا، والمصيبة الاحلى انى كمان بحاول اقنع باباه بنفس الفكرة ان هوا كمان لازم يغير جزء من عاداته لنفس السبب..
وفضل سؤال رذل بيزن فى دماغى ليه ؟
ليه الاطفال بتتعلم احسن عن طريق القدوة والامثلة مع انى ممكن عادى اقول لابنى بالكلام بس الصح من الغلط وهوا لازم يصدقنى ويعرف ان كلامى هوا الصح علشان انا السوبر ماما بتاعته��
وبعد كثير من البحث والتمحيص فى كتب علم النفس والتربية عرفت انه مش سبب واحد الحقيقة هوا اكتر من سبب:
ظ،-الاطفال فى سن الطفولة المبكرة بتحب التقليد والمحاكاة كسمة طفولية وطبيعية بشكل عام يعنى بحب اعمل زى ماما وهى بتطبخ وتنضف البيت وبابا وهو بيسوق العربية ..
ظ¢-بابا وماما فى عيون اطفالهم هما (السوبرز) يعنى الكوباية اللى بابا بيشرب فيها هى دى اللى فيها (الباور)�� وخليته كبير وعنده عضلات
ظ£-السبب التالت ودا اهم واحد فى وجهه نظرى المتواضعة وهو نظرية التعلم الاجتماعى اللى عملها واحد اسمه باندورا (Bandura ) واللى قايمة على فكرة التعلم بالملاحظة او النمذجة فبيفترض النموذج ده من التعلم أن الإنسان كائن اجتماعي يتأثر باتجاهات الآخرين ومشاعرهم وتصرفاتهم وسلوكهم،و يستطيع أن يتعلم منهم نماذج سلوكية عن طريق الملاحظة والتقليد.
واقترح باندورا عدة اساليب للتعلم بالملاحظة:
ظ،-تعلم سلوكيات جديدة: فالتمثيلات الصورية والرمزية المتوفرة من خلال الكارتون والكتب والحواديت والتلفزيون، تعتبر مصادر مهمة للنماذج، وتقوم بوظيفة النموذج الحي، يقوم الطفل بتقليدها بعد ملاحظتها والتأثر بها.
و بتلعب المعرفة دورا رئيسيا في التعلم الاجتماعي القائم على الملاحظة. وتأخذ عمليات المعرفة شكل التمثيل الرمزي للأفكار والصور الذهنية اللى بيكونها من ملاحظته للاشخاص والبيئة اللى متواجد فيها وهي اللى بتتحكم في سلوك الطفل وتفاعله مع البيئة بعد كده، و بتكون كمان محكومة بهما.
(علشان كده لو عايزة ابنك يصلى لازم تكونى بتصلى قدامه انتى وابوه ولو عايزاه يحفظ قرآن لازم تكونى بتمسكى المصحف قدامه كتير )
ظ¢-تعديل السلوك: يؤدي ملاحظة بعض السلوكيات التي تميزت بالعواقب السيئة إلى تجنب أدائها. إن العواقب السيئة لموقف معين فينتقل أثر العاقبة للطفل بحيث يمتنع عن أداء السلوك الذي كان سببا فى نتيجة سيئة لغيرهم.
(فلما المراهق بيشوف ادامه ابوه تعب من شرب السجاير ممكن يكون ده سبب ليه انه يبطل يشرب سجاير فى حين انه لو شاف مفيش اى ضرر صحى ملموس لو حلفناله مليون يمين انها مضرة ولازم يبطلها عمره ما هيعمل كده)
وطبعا الكلام ده كله والنظرية دى تنطبق على كل حاجة فى الحياة عايزة تعلميها لابنك بداية من الاداب العامة والاستئذان واحترام ممتلكات ومشاعر الاخرين والصوت العالى وعدم التدخل فى شئون الغير حتى النظافة الشخصية بتتعلم عن طريق الملاحظة والنمذجة .
طب لو ابنى للأسف شافنى وانا بعمل حاجة وحشة مش عايزاه يتعلمها زى باكل اكل من الشارع مثلا او عندى عادة سيئة مش عارفة ابطلها قدامه،ساعتها مش بيبقى فى حل غير انى ارسخ فكرة عند الطفل ان بابا وماما مش ملايكه وانهم ساعات بيعملوا حاجات غلط والمفروض نتعلم من غلطهم ومنقلدهمش الا ان نتيجة الحل ده مش مضمونة ظ،ظ*ظ*% وتأثيرها مش قوى زى تأثير النمذجة بس نقدر نقول ان دا اضعف الايمان..
ولو رجعنا لأساليب التربية الإسلامية التي دل عليها القرآن والسنة هنلاقى ان القدوة الحسنة، أسلوب مهم جدا وخطير في الوقت نفسه، لأنه يعني إيصال الخلق الحسن عن طريق السلوك الإيجابي، فإن كان السلوك سلبيا انقلبت القدوة إلى قدوة سيئة، لذلك لازم كل اب وكل ام أن يراقب سلوكه وأقواله وأفعاله التي يقوم بها أمام اولاده وكمان أن يهتم بتهذيب الوسط الذي يتربى فيه الأولاد لأنه كما يقتدون به يقتدون بغيره.
وكان رسول الله(ص) الاسوة الحسنة وخير قدوة لكل المسلمين
فعلى اد ما تقدروا حاولوا تكونوا قدوة لابنائكم ولو عندكم عادات او سلوكيات سيئة حاولوا على قد ماتقدروا تتخلصوا منها علشان مصلحة ولادنا









التعديل الأخير تم بواسطة لحن ; 03-12-2019 الساعة 12:35 AM
لحن غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:17 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir

هذا الموقع يستخدم منتجات Weblanca.com
new notificatio by 9adq_ala7sas
Ads Organizer 3.0.3 by Analytics - Distance Education
vEhdaa 1.1 by NLP ©2009